Píanóstillingar

Ég hef starfað við píanóstillingar frá því árið 1997 og segi oft að þær séu bæði krónískar og arfgengar; faðir minn starfar við píanóstillingar og þær hafa fylgt mér hvert sem ég fer þó ég hafi einnig menntað mig á öðrum sviðum í gegnum tíðina.

Ég hef stillt píanó í þremur heimsálfum og notið þess að kynnast ótalmörgum í gegnum starfið sem er bæði gefandi og krefjandi.

Í dag bý ég erlendis en heimsæki Ísland reglulega til að sinna mínum fastakúnnum og fleirum sem setja það ekki fyrir sig að hinkra aðeins eftir mér.

Sjáumst vonandi!

Kveðja,
Kristinn

Skráðu þig á lista hjá mér

Fáðu að vita um ferðir

Skrá netfang

Verðskrá

Einföld verðlagning

Kristinn Leifsson

píanóstillari

Greiðsla - einfalt og þægilegt!

Reikningur í tölvupósti ásamt kröfu í heimabankann. Ekkert seðilgjald.

Fróðleikur

Smelltu hér til að sjá greinar og myndbönd.

Hversu oft þarf að stilla?

  • Tónlistarskólar: Tvisvar á ári
  • Nemendur: Árlega eða oftar
  • Grunnskólar: Árlega eða oftar
  • Hófleg notkun: Árlega eða annað hvert ár
  • Lítil notkun: Annað hvert ár
  • Upptökustúdíó og tónleikar: Fyrir hverja tónleika eða upptöku.

Kaup á notuðum píanóum

Ég mæli með því að þú lesir þessa bloggfærslu áður en þú velur þér notað píanó. Í henni eru heilræði sem hafa gagnast mörgum.

Meðmæli

Kristinn Leifsson is a highly skilled piano technician with musical taste and an advanced tonal aesthetic. It was my privilege to mentor Kristinn during my stay in Iceland in January 2016; he was a model trainee and quickly grasped advanced tone regulation concepts during our one-on-one practicum in piano regulation and voicing.

As a Steinway factory-trained concert technician and a graduate of the CF Theodore Steinway Academy in Hamburg, I wholeheartedly endorse Kristinn for any level of piano tone development, tuning and regulation.

Boaz Kirschenbaum

Kristinn stillti flygilinn minn í dag og intóneraði. Þetta er 70 ára gamall August Förster flygill og var orðinn ansi slappur. Nú er eins og ég hafi eignast nýtt hljóðfæri. Þvílíkur snillingur sem Kristinn er og fagmaður af fyrstu gráðu. Mæli sannarlega með honum. Takk Kristinn, er með tár í augum af gleði.

Bergljót Halldórsdóttir

Fékk Kristinn til að stilla hjá mér flygil sem hafði ekki verið
stilltur um nokkurt skeið. Hann fór létt með það, enda fagmaður fram í fingurgómana. Jafnframt intóneraði hann flygilinn, eitthvað sem ég mæli með að allir láti gera hjá sér öðru hvoru - hljómurinn er allt annar og betri, jafn og skemmtilegur! Mæli hiklaust með að fólk panti stillingu (og intóneringu) hjá honum 🙂

Birgir Þórisson, píanóleikari

Ég á 50 ára gamalt Grodrian Steinweg píanó, sem mér finnst algjör eðalgripur. Ég hef sennilega ekki hugsað nægilega vel um gripinn, kominn var tvísláttur í sumar nótur, ein og ein heyrðist illa og tónninn var mattur og frekar misjafn, en eftir að Kristinn fór fimum höndum um píanóið mitt, pússaði hamrana, hreinsaði, intoneraði og stillti er hljómurinn tær, jafn og fallegur! Kristinn er góður og vandvirkur fagmaður og ég mæli hiklaust með honum.

Ingibjörg Jónasdóttir

Fékk Kristinn til að koma og stilla píanó sem ég hélt að hefði ekki verið stillt í 20 ár en kom svo í ljós að það hefur aldrei nokkurn tíma verið stillt, það fór semsagt beint frá gámi og heim til foreldra minna fyrir 35 árum síðan. Þetta var örugglega áskorun þar sem píanóið var rammfalskt en það er
allt annað hljóðfæri eftir að Kristinn kom að stilla það. Takk kærlega fyrir frábæra þjónustu!

Sóley Ómarsdóttir

Ég er hæstánægð með að fá Kristin til að stilla píanóið,
hann vinnur vel og er mjög þægilegur. Ég verð líka ánægð með að vera minnt á því það leið of langur tími á milli síðast. Kærar þakkir Kristinn fyrir stillinguna og nærveruna.

Elísabet H Einarsdóttir

Kristinn hefur stillt bæði heima hjá mér svo og í kirkjunni í
meira en áratug.
Alltaf vandvirkur og skilur eftir sér flygil eða píanó sem
ánægjulegt er að spila.

Douglas Brotchie, organisti & píanisti

Ég var mjög ánægð með stillinguna hjá Kristni.

Ragnheiður Haraldsdóttir, tónmenntakennari

Píanóið mitt hafði ekki verið stillt í 10 ár og var búið að
lenda í flutningum of oft. Nú þegar ég uppgötvaði loksins áhuga hjá sjálfri mér að fara að spila aftur eftir áralangt hlé
ákvað ég að láta stilla það og fékk Kristinn í verkið. Það hljómar undursamlega, enda er hann mjög vandvirkur. Frábær vinna og hann er mjög sanngjarn í verði!

Ég mun tvímælalaust hafa samband við hann varðandi
píanóstillingar héðan frá og benda fólki sem ég þekki á hann.

Linda Björk Gunnarsdóttir

Gamla píanóið mitt nánast eins og nýtt eftir að Kristinn stillti fyrir mig. Hefði bara ekki trúað að það væri hægt að ná því svona góðu.Mikið rosalega er gaman að spila 🙂 Frábær þjónusta á góðu verði.

Birna Björnsdóttir, tónmenntakennari

Takk kærlega fyrir afbragðsgóða þjónustu - gamli Rönisch er allur annar.

Sigurbjörn Einarsson

Það eru kominn 10 ár síðan að ég stillti hljóðfærið mitt hjá Pianostillingar.is. Rachmaninoff hefur verið spilaður daglega allan þennan tíma og stillingarnar hafa haldið. Frábær vinna á góðu verði. Mæli eindregið með þjónustunni.

Sveinn Rúnar Sigurðsson

Kristinn kom í sumar og stillti píanóið á heimilinu eins og síðustu ár. Ég kalla alltaf á hann þegar kemur að því að stilla hljóðfærið, enda veit ég þá að verkið er vel unnið. Hann var svo að sjálfsögðu einnig sendur til annarra fjölskyldumeðlima sem eiga píanó svo að slaghörpur fjölskyldunnar hljóma nú stórvel!

Sigurrós Jóna Oddsdóttir

Get lofað ykkur að "Kiddi" the Tuner klikkar ekki... fékk vin minn í heimsókn sem er góður pianisti og var hann yfir sig ánægður með hversu vel hafði heppnast að stilla Steinway-inn, Kærar þakkir enn og aftur Kristinn....

Sighvatur Blöndahl Frank Cassata

Ég mæli eindregið með Kristni Leifssyni píanóstilli. Glymrandi hreinar stillingar sem halda vel.

Kristján Guðjónsson

Við þökkum sérdeilis prýðilega stillingu á píanóinu okkar. Það hafði ekki verið stillit frá því að það var keypt fyrir ca. 15 árum. Núna er það loksins hæft til notkunar aftur :). Takk kærlega!

Sigurður Fjalar Sigurðarson

er alveg einstaklega ánægð með síðustu stillingu á píanóinu mínu. Það var allt of langt um liðið frá síðustu stillingu og nú hljómar tónlistin betur en nokkru sinni fyrr. Mæli hiklaust með Kristni í verkið 🙂

Stefanía Ragnarsdóttir

Það er ekki spurning að hjá píanóstillingar.is fær maður bestu þjónustu sem völ er á í þessum píanóstillibransa. Ég fékk Kristinn Leifsson til að stilla eldgamalt píanó sem mér áskotnaðist í vor. Píanóið er yfir hundrað ára gamalt og hafði staðið á sama stað í áratugi þar til það fór í þetta ferðalag heim til mín. Það var mjög falskt þegar ég fékk það, þar sem það hafði ekki verið stillt í 20-30 ár en eftir að Kristinn kom og stillti það þá er allt annað að spila á það. Kærar þakkir fyrir góða stillinguna og fræðslu:)

Eva Rós Björgvinsdóttir

[/column_1]